Skigipani kamrangko ka·enggiparang bilsi gnini gisepo Teacher Eligibility Test (TET) porikkarangko see chu·sokna nanganiko re·anggipa September 1 tarik 2025-o Supreme Court rai on·angaha ine Education Minister Lakhmen Rymbui parakataha.
Supreme Court-ni ge·etgimin niamo pangchake a·songni pilak skigipani kamko ka·enggiparang kamtangko ka·angkuna gita TET porikkako see pass ong·na nanganiko tik ka·anganian a·dokni skigipani kamko ka·enggiparangna neng·nikanirang ong·naba donga ine Education Minister aganangaha .
Right to Education Act-o pangchake Teacher Eligibility Test (TET) porikkako pass ka·na dongimin somoirango matchotjani a·selo bilsi bongana skigipani kamko ka·giparang kamtangko watna nangao ga·akaha ine Lahkmen Rymbui agandapangaha.
Meghalaya a·dokni sak hajal 10 oni sak hajal 15-nigita skigipani kamrangko ka·enggiparangna jajrengsoaniko ra·banaba dongani bidingo Rymbui janapangaha. Ia ra·gatgipa niamrango pangchakan baksana class 12-ni porikkao komibatgipaan 45% rangko man·a nanggiparangko niatgenchimode baita sak mancha skigipani kamna seokanio man·a kragipa ong·gen ineba Education Minister sing·aniko dakangjolaha.
A·dok sorkari TET porikkarangko bilsigni ni gisepo ong·atange skigiparangna chu·gimik dakchakaniko on·anggen aro iani bidingo gipin a·dokrang baksaba nangrime Supreme Court-ni rai on·giminko nipiltaianiko dakchina Union Education Minister-na chittiko sedoate skigiparangni changa sapanio pangchake TET porikka-rangko sena on·aniko ra·chakchinaba mol·molaniko dakangna Education Minister Lakhmen Rymbui aganangaha.
