Da∙al salo Assam a∙dokni Jorabat-o Meghalaya a∙dokni garirangko Assam’s Motor Parivan Sewakarmi Sanmilita Mancha (MPSSM) aro Workers Joint Manch dolrang champengataniko dakani ja∙mano All Khasi Meghalaya Tourist Taxi Association (AKMTTA) dolrang uamangni jingjengataniko dongtongataha.
East Khasi Hills ni Deputy Commissioner RM Kurbah baksa uamang tom∙e chanchirimanio adita agangolpogrikangaha aro re∙baenggipa Mongolbar salo a∙dok sorkari baksa chanchirimangna tik ka∙angaha ine AJMTTA dolni Spokesperson Balajied Jyrwa parakataha. Ian dingtang mancha uamangni dol Tourism department aro Transport department baksa chanchirimaniko dakanggen.
Kobor ra∙timgiparangna aganengon, uamang dingtang mancha a∙dok sorkarini kosako tom∙tome jingjengatanisa ong∙a ine manderangna talataniko on∙angaha. Unbaksana ong∙gijagipa kobor rangko skatang gipatjachinaba AKMTTA dolrang manderangko didiangaha.
