Meghalaya cabinet-o Tourism, Arts & Culture, Textiles aro Social Welfare portfolio-rangko ra·anggipa United Democratic Party (UDP) ni dilgipa Paul Lyngdoh, Meghalaya a·dokna ua uni nambatgipako on·a jotton ka·aha aro party una cholko on·aha ine an·tangni kamrangko janape aganangaha.
Indake ong·genchimoba, cabinet-ni biaprangko dingtangataniara uni nikanio chanchisogijagipa ong·a ine aganangskaaha. Dingtangatna miksongani bidingo mamingba u·iatanirang dongja. BJP aro HSPDP dolgitaan bilsigni atao cabinet-ko sualna see jote on·ani aro agangolpogrikani dongja ine Lyngdoh parakaha. Cabinet-ni biapko dingtangatna UDP dolni President Metbah Lyngdoh-sa jasa skang u·iataha ine Lyngdoh aganangkuaha.
Indake ong·genchimoba politics-o sal somoirang dikdiksaon dingtangna man·a. Iani bidingo UDP dol ku·monggrikesa tik ka·aha ine ua aganangaha.
Kobor ra·timgipani uko ra·galanina dondapange kam ka·ahagita nikama ine sing·on ua Meghalaya-na Minister ong·engmitingo nambatgipako on·a jotton ka·aha ine aganangskaaha. Lyngdoh uni somoio bang·a scheme-rangko a·bachenganikoba janapangaba. Ua politics-o an·tangna aro constituency tangnasan chanchiaigipa ong·ha ine aganangkuaha.
Gipin dilgiparang jekai DD Lapang aro JD Rymbai-ni ning·o Minister ong·aoba ua a·dokni gipin bakrangna aro constituency-rangna kam ka·angaha ine Lyngdoh agandapangaha.
