South West Garo Hills, Ampati Mothers’ Union School-o salgittamna Meghalaya Bharat Scouts & Guides-ni ong·atgipa Patrol Leaders Training Camp Sonibar salo name matchotangaha. Ia camp-ko chadambe Scouts aro Guides-rangna songsalo daitotangko ra·e dangdike namgipa dilgiparang ong·nagita skie on·a ong·ataha.
Camp-ona a·jani dingtang dingtang school-rangoni chu·gimik sak 248 bakko ra·angaha uanoni sak 120 Guides, sak 97 Scouts, 18 Rovers, 4 Rangers aro sak 9 staff member rang ong·a.
Ia camp-o Sub-Divisional Medical & Health Officer, Ampati, Dr. Lydia Sangma, “Awareness of Drug Abuse and Early Child Pregnancy” katta bichongko ra·e sokbagipa chatro chatrirangna dingtang mancha skie on·angaha.
Training-ni somoio chatro chatrirang dingtang dingtang susaanirang jekai git ringani, chrokani, budu kaani, naljokataniko ranta ka·ani aro changa sapaniko skie ra·anirangko dake ka·e niangaha. Ian uamangna ku·cholsan ong·e kam ka·na, dilgiparang ong·na, namgipa bewalrangko rakkina aro songsalo daitatangko u·ie ra·chinagita miksonge dakataha. Ia camp-ko District Secretary, MBS&G Ampati Pular D Shira aro District Organizing Commissioner (Scouts) Debarson A Sangma-ni dilanichi ong·ataha.
