September 14 tarik 2025 Robibar pringo gimagipa bilsi bri ong·gipa me·chik bi·sa Insaphira Lyngdoh Mawnai-ni manggisiko da·al pringo uamangni dongenggipa Nongrah Nonglum, Shillong sepang joloniko man·aniko East Khasi Hills-ni Superintendent of Police u·iataha.
Ia me·chik bi·sako so·otenba gittimtango nok rikenggipao rong·te sinjeten gale donangaha. Ian mikka bitchirang ga·ake chirang joksruanichi darangchiba man·pakanggija ning·ao napsrime dongnagita dakaha ine parakataha.
Ia me·chik bi·sa robibar pringni somoio noktangni a·palo kal·e romitingo gimaaha. Uni gimaa bikan bi·sako sandibeoba man·jae nokni manderang police-rangna koborko on·ate am·sandianirangko dakangaha.
Ia bi·sani manggisiko forensic-na watate siani ja·pangko masinagita post mortem ka·anggen ine East Khasi Hills-ni Superintendent of Police Vivek Syiem aganangaha.
