India a∙songni 15-gipa Vice President ni kamko jako ra∙e ka∙na C.P. Radhakrishnan da∙al salo Rashtrapati Bhavan-o ku∙mikchetangaha. Radhakrishnan opposition dolni B Sudershan Reddy baksa susaanio ge 152 vote rangchi cheangaha.
Re∙anggipa July 21 tarik 2025 Jagdeep Dhankhar, be∙en-nigita bilgriani gimin kamko watangani a∙sel ia election-ko ong∙atna nangao ga∙akaha. Ia tom∙anio Prime Minister Narendra Modi, Home Minister Amit Shah, Defence Minister Rajnath Singh, BJP President J.P. Nadda, gitcham Vice President Jagdeep Dhankhar aro gipin dilgiparangba bakko ra∙angtokaha.
