Global Institute of Management Studies (GIMS) da·al salo Tura District Auditorium-o Hospitality Career Development Seminar-ko Garo Hills-ni chadamberangna ong·atangaha.
Ia tom·aniona West Garo Hills a·jani SDO (Sardar) Richa Kulkarni mongsonggipa sokgipa ong·e bakko ra·angaha. Ia seminar-ona bakko ra·na re·bagipa chatro chatrirangna sorkarini ra·chakgimin Skills Meghana Program-ni ning·o hospitality-ni namgnirangko aro cholrangko on·ani bidingo aganangaha jekon Medina State Skill Development Society-nigita kamrangko ka∙angenga. Hospitality-ni ning·o jekai hotel-rango, event management, tourism aro aviation-rangni a·bao kam ka·anirango Northeast-ni chatro chatrirang chu·sokgipa ong∙na indakgipa cholrangko ra·china chatro chatrirangko Kulkarni didiangaha.
Ia seminar-ko “Earn While You Learn” katta bichongo pangchake, chadamberang poraian baksana hospitality management-ni a·bao kamrangko skie ra·rorona man·a gita cholrangko on·anggen jedakode chatro chatrirang ua kamko ka·e man·gipa tangkarangchin fee-rangko gamna gita man·skagen ine dilgiparang aganangaha.
Ia seminar-o Global Institute of Management Studies-ni course-rang jekai 1-Year Diploma in Hotel Management, 2-Year Diploma in Hotel Management, 3-Year Diploma in Hotel and Hospitality Management program aro 6-months Certificate Course in Hotel Management-rangni giminba agane on·angaha.
Ia program-ona mongsonggipa ong·e skie on·a re∙bagiparangara GIMS aro Shark EduTech-ni ong·a. Skigiparangara GIMS aro Shark EduTech-ni Managing Director & Founder Maminul Akanda, Training & Placement Manager Dilruba Roushny, Operations Vice President Saurav Purkhayastha aro GIMS-ni Adviser Nilesh Mukherjee skie ong∙a.
