A·dok sorkarina kajina man·dapaniko on·a man·agita pekgipa ringani ba chu palani gadangko dingtangatna cabinet tom·anio ra·chakangaha.
Ia tom·anio a·doko chu palani damrangko nipiltaina cabinet ra·chakaha, beer-ni damko dingtangatna aro gital gadangko parakataha. Ian chuko simsake jakkalgipa manderangna namdapaniko on·a dakaha ine parakataha.
Iani bidingo Chief Minister Conrad Sangma cabinet tom·ani ja·mano aganengon iako chuni damrangko dingtangatna aro Assam a·dok baksa susaaniko tang·doatna dakaha ine parakangaha. Unikoa, bajar antirango chu palaniko namdapatna jedakode manderang chu ringaniko bariatna man·gen ine Sangma aganangaha.
Iako dakanichi kajinna man·aniko bangbate man·a ka·dongsoaniko Conrad Sangma aganangaha. Ia project-ko dingtangatanichi crore 90 mangnigita kajinna man·aniko ong·katdapatna ka·donganikoba Sangma parakangaha.
