South West Garo Hills, Zikzak C&RD Block-ni ning·o donggipa Balughat Community Hall-o Poshan Maah manianiko da·al saloni a·bachengate on·angaha.
Ia maniaona Zikzak ICDS-ni CDPO B Hajong, Kalaichar PHC-ni M&HO Dr. Debakar Hajong aro Balughat-ni Nokma Darphius Ch Marak mongsonggipa ong·e sokbae bakko ra·angan baksana sepang jolo songdongenggipa manderangba gisiko nange re·bae bakko ra·angtokaha. Ia maniani bakko samtangtango donggipa sam bolrangko ripinge rakkianiko bariatna “EK Ped Maa Ke Naam” katta bichongo done bol bipang-rangko ge·angaha.
Ia Poshan Maah-ko manianio mikrakataniko on·a jekai agre milanirangko champengna, infant and young child feeding (IYCF) aro nokdango be·eni an·seng baljoke donganina jakko on·a, Early Childhood Care & Education (ECCE)-ni nangchongmotani bidingo agane on·aniko dakangaha.
