Autumn Session 2025-ni brigipa salo Education Minister Rakkam Sangma Ampati Engineering College-ni bidingo sing·anina rika cho·ani kamko 25% mang matchotaha ine parakangaha. Ia college-ko rikna da·o dipet gong 15 crore-mang tangkarangko jakkalaha aro rikaniko matchotatna sorkari krengen on·kangenga ine Sangma ka·donganiko on·angaha.
Uni aganchakanio, Shillong aro Ampati Engineering college-ko rika cho·aniko taraken matchotatgen ineba Sangma agandapangaha. Ia ku·chakaniko ua LOP Dr. Mukul Sangma-ni ia project-ko taraken matchotatchina didiani ja·mano aganangaha.
Unikoa, Ampati Engineering College-china dakanggipa rama namjani bidingo Ampati MLA Miami D. Shira-ni janapanina ramako contractor tarie on·a nangenga jean mikka waani somoio man·pakangaha ine Sangma agangangaha. Sorkari ia ramarangko tarina ja·ku ga·anggen ineba Sangma agandapangaha.
