South West Garo Hills a·jani Ampati, Circuit House o da·al salo World Suicide Prevention Day ‘Changing the Narrative: Suicide-Creating Hope Through Action’ katta bichongo pangchake maniangenba panel discussion ba ku·cholsan chanchirimaniko dake tom·bimonganiko ong·atangjolaha.
Ia tom·aniona South West Garo Hills a·jani Deputy Commissioner Hema Nayak, IAS, sokenba tom·aniko dilaha. Ia ku·cholsan chanchirimanio Nayak suicide ba an·tangko so·ote sianirangko champengna man·agita mikrakatanirangko on·a nangani bidingo aganangaha. An·tangko so·ote sianiko maikai apsan ong·e gisikni sinjetani, dongtogijani ba mental health-ko name rakkina ja·ku de·na nanggnirangni bidingoba ua an·tangni chanchianirangko aganangaha.
Ia tom·bimonge chanchirimaniona dingtang dingtang government department ni officer rang, mental health-ni u·i ma·sigiparang, skigiparang aro songsalni palo bakko ra·enggipa manderangba sokabaaha jeon jinma ku·cholsan songsal aro wilwilao dongenggipa sakantina maikai ka·dongani, ka·dimeaniko rakkina man·gen uni bidingo golpoan baksana, gisiko maikai sinjetani gri ong·e aro ka·dimeaniko rakkina man·gen uarangni giminba golpogrikanirangko dakangaha.
Ia ku·cholsan chanchirimani tom·anio agangolpogrikaniko dakna, songsalo aro wilwilao an·tangko so·otna ba bon·atna gisiko miksongani donggiparangko ku·cholsan maikai champengna man·gen uarangni gimin agangrikangaha.
Ia apsanko manderangna mikrakaniko on·a mijalo World Suicide Prevention Day-ni bak dake Spring Field skuloni chatro chatrirang re·jomanikoba dakangaha.
