Ia ong∙enggipa Autumn Meghalaya Legislative Assembly session-o North Garo Hills Resubelpera-ni MLA aro gitcham Deputy Speaker Timothy D Shira uni kamtangko wataniko nikangna man∙angaha. Iani gisepo Assembly session ni gittamgipa salo, Raksamgre-ni MLA Limison D Sangma gitalgipa Deputy Speaker-ni kamna nomination-ko file ka∙angaha.
Opposition dolrangni darang dilgipakoba ia kamna seokjani gimin Limison ia gitalgipa Deputy Speaker-ni chokkiko da∙o dipet man∙a krabatgipa ong∙enga. Ia seokaniko re·baenggipa September 12 tariko jean autumn session-ni bon·kamgipa salo election-ko ong·atanggen.
