Meghalaya a·doko hajal 67,500 mangnigita kamrang bangbang ong·e dongenggipa kolgapatna miksongenganiko Chief Minister Conrad Sangma da·al sal autumn session-ni question hour-o parakangaha. Bilsiprako hajal 70,000 mang chadamberang kamrango seoka man·a kragiparang donggenchimode hajal 2000-2500 mangsan sorkari post-rango rimnapenga jean namen komienga ine Sangma aganangaha.
Sorkari hajal 7,000 bangbang donggipa kamrango dingtang dingtang department rango gapatnasienga. Iako kolgapatna career councelling program-rang namen dakchakaniko on·gen ine Sangma parakangaha. A·dokni bang·a bakrango Meghalaya State Skill Development Society (MSSDS) ni ning·o ge 34 centre-rango skia man·gimin councellor-rangko ming 25 sector-rang jekai defence, banking, engineering aro gipin bakrangona watatna am·enganikoba Sangma parakangaha.
Iako dakna miksonganiara chadamberangko sorkari aro private sector-rangni kamrango susagrikna nanggipa changa sapanirangko on·e tarisamsona dakenga ine Sangma u·iatangaha.
