North Garo Hills Resubelpera-ni MLA Timothy D Shira Meghalaya Assembly Deputy Speaker-ni kamko da·al salo wate galaniko Speaker Thomas A Sangma niam gita ra·chakangaha.
Timothy D Shira-ni kamtangko watani ja·mano Business Advisory Committee (BAC)-rang baksa rang·gitik tom·aniko ong·atange gitalgipa Deputy Speaker-ko seokna re·baenggipa September 12 tariko jean autumn session-ni bon·kamgipa salo election-ko ong·atanggen ine Thomas A Sangma aganangaha.
Deputy Speaker-ni kamko Timothy D Shira-ni wate galani bidingo speaker-o sing·on ian party-ni chu·batgipa gadango dilgiparangni dakchina ge·etako man·esa ja·kuko de·angaha ine Shira ni u·iataniko Speaker Thomas A Sangma aganangaha. Ian party-ni dilgiparang apsan chanchie Deputy Speaker-ni kamna mikkangchi sako bimung minge seokna ja·ku de·angna mikaonganikoba Speaker agandapangaha.
