Da·al salo West Garo Hills-ni District Auditorium Tura-o Design Innovation Centre (DIC), Department of Design, Indian Institute of Technology (IIT) Guwahati baksa Deputy Commissioner office apsan bakrime ma·mong sorkarini Ministry of Education-ni dakchakanichi salgnina design awareness programme “Abhilasha” katta bichongko done September 8 oni 9 tarikona ong·atangenga.
Ia program-o chatro chatrirangna noksarangko tariani bidingo agane on·anina IIT Guwahati-oni skie on·a re·bagipa dolrangko West Garo Hills-ni Deputy Commissioner Vibhor Aggarwal mitelpilskaaniko dakangan baksana chatro chatrirangko indake namgipa skie on·ani cholrangko ra·rike mikkangchi design tariange visual aro media-rangosan bon·chongdikaigija ian salantio neng·nikanirangko olgrokatna aro dingtang dingtang kamrangko ka·ani bak gita ong·anggen ineba agandapangaha.
Chief Minister’s Career guidance scheme-ni kam ka·ani cholrangko a·pale skie ra·na gita Abhilasha-ko a·bachengate on·anichi a·jao donggipa bang·a chatro chatrirangko design ka·aniko nambatgipa institution-rango skie ra·na didianiko on·aninaba ong·enga ine Aggarwal aganangaha.
Ia skanggipa salni program-o class 11 aro class 12-ni chatro chatrirangna design fields aro career opportunities-ni bidingo agananiko dakangaha. Gnigipa salni session-o class 9 aro class 10-ni chatro chatrirangna designs concept aro maikai design-rangko tarina ong·katatani bidingo skie on·aniko dakangskagen.
