Bilsi chu·ongijagipa me∙chik bi∙sako til∙ekanina SGH-o mande saksako bilsi 25-na pattoko chipata

South Garo Hills a∙jao me∙chik bi∙sa dambe bilsi chu·ongijagipako kragija dake til∙ekanina Daljitsing A. Sangma-ko Special POCSO Court SGH bilsi 25-na kingking pattoko chipatna raiko on∙ataha.

Sangma-ni bidingo re∙anggipa 2020 bilsio Baghmara Women Police Station-o mokor domako segataha. 2020 September 25 tariko am∙sanianiko dakgipa officer Thayana R. Marak dosi dakgipani kosako charge sheet-ko tariaha.

Daljitsing A. Sangma-ko POCSO court-ni Special Judge, Febroneous Silkam Sangma dosi donggipa ine parakataha. Uni kosako dosi donganiko man∙e Sangma-ko POCSO Act-ni ning∙o gong 50,000-ko gamate bilsi 20 mangna pattoko dongchina raiko on∙ataha.

Uni ja∙mano IPC-ni ning∙oba uko hajal 50,000 ko gamna agane bilsi 25-na pattoko dongchina tik ka∙ataha.