Tura Cherangreni bilsi 4 ong·gipa A·chik me·a bi·sa chong·motan Bede Ianko D Sangma India Book of Records (IBR)-o bimung segatako man·angaha. Ian minute 21 second 42 somoini gisepo a·gilsakni map-ko Ipad screen-o ge 195 a·songrangni flag ko nie mesokangna man·anina ‘IBR Achiever’ ko man·baaha.
Bede Ianko D Sangma-ni indake dal·gipa gadango niksengbaaniko man·aniara dingtang mancha uni bilsi 4 ong·ani somoion gisik matsramangipa aro seng·aniko mesoke A·chik jatna mikkim rasongko ra·baaha.
