Re·anggipa August 29 tarik 2025-o Tura Circuit House-o Garo Hills Autonomous District Council (GHADC)-o tangka paisarangna neng·nikanina aro Tura Medical College-ko PPP mode-o chalaina am·ani bidingo NGO-rang, songni dilgiparang aro songdongenggipa manderang baksa Chief Minister Conrad Sangma tom·e chanchirimaniko dakangaha.
Ia tom·anio NGO-rangni dilgiparang aro songni dilgiparang baksa nangchongmotgipa obostanirangni bidingo agangrikaniko dakmitingo medical na poraienggipa saksa chatro-ni Chief Minister-ko mande ra·gija aganchakgipa kattarangko National People’s Youth Front (NPYF)-ni Working President Anclucis Marak jegalaniko dakanga.
A·dokni skotong Minister-ko kragijagipa bewalo aganchakaniko dakaniara mikkangchi medical porainasienggipa chatro chatrirangna kragijagipa dakmesokani ong·enga ine NPYF-ni President matnangate raken jegalataha.
Uni gimin ia medical na poraienggipa chatro-ko Chief Minister Conrad Sangma-o, senior citizenrang aro NGO dolrango kemako bi·china NPYF-ni President aganangaha.
