Garo Hills Autonomous District Council (GHADC)-o kam ka·giparangna ja bongani dormaharangko on·angna tik ka·aniko District Council-ni Secretary u·iatangaha.
GHADC-o kam ka·giparangna November 1 tarikoni dipet a·dok sorkarini gita dormaharangko on·jringna aro man·a nangkuenggipa dormaharangkoba Council ni kajinarangko chimonge ta·raken on·anggen ine Executive Comittee aganangaha.
Garo Hills ni manderangna dangdike on·na aro a·songko namroro silroroatna kamrangko ka·na chanchianiko dake GHADC-ni NGEA dolrang-ko an·tangtangni kamrangko ta·raken a·bachengataichina District Council-ni Secretary didiangaha.
