National People’s Party (NPP) ni chang 13-gipa Foundation Day aro Purno A Sangma-ni atchiani salko Williamnagar songjinmao manianio bang∙a dilgiparangni doltangko watanganiko nikna man∙angaha. Ia tom∙anio dingtang dingtang political patyrangni sak 300 mangnigita dilgiparang NPP ona napaniko Chief Minister Conrad Sangma rimchaksoaha.
NPP dolona napbagiparangoni saksa dilgipaara Gambegre bye-election o Congress doloni susaanggipa Jingjang Marak ong∙a jean Tura-ni MP Saleng Sangma-ni ka∙dongbatsranggipa aro jakkalbatgipa ka∙rimska ong∙a. Una agreba gitcham MDC aro TMC ni digipa Rupert M Sangma, ANVC ni gitcham Pubilcity Secretary Vicky Rose Sangma aro bang∙a dilgiparangba NPP dolona napangtokaha.
