Chang 8 gipa 50 North Tura Inter Polling Station Football Tournament ko Asanang kal·chakram biapo Meghalaya Legislative Assembly ni Speaker Thomas A. Sangma ni jakchi oprake on·angaha.
Ia kal·susaanio ge 47 Polling Station ni chadamberang bakko ra·angenga. Oprakani salo Chidekgre dol baksa Chibra Agal dolrang kal·susaangaha jeon Chidekgre dol goal 5-1 chi Chibra Agal dolko amataha. Ia tournament ona 50-North Tura ni MLA Thomas A Sangma mongsongipa sokgipa ong·e sokbaaha.
Una agreba MLA-ni jikgipa I.G Momin, West Garo Hills NPP-ni General Secretary Mathias N Marak, NPYF ni National Secretary Dabo M Marak aro gipin dilgiparang dongpae oprakani salo bakko ra·angaha.
