Israel-rangni Gaza-o donggipa Nasser hospital-ko bomb galdape chadrapao sak 20 mang manderang siaha. Ia obostao journalist-rang, WHO-na kam ka·enggipa sanna bannaniko on·enggiparang aro adita naljokatgipa manderang janggitangko gimaataha.
Nasser hospital-ko Israel changgni dake bomb galdapaha jeon skanggipa gopretao saksa sichengaha. Uko naljokatna ine jajajiki dakengmitingo aro mittamrang building-oni ong·katna jotton ka·mitingo gnigipa changna apsan biapo gopretgipaosa gipinrang siskaaha aro uano international medio-o kam ka·gipa journalist-rangba gnang.
Israel-ni Prime Minister hospital-ko chadrapaniko bidingo dakgualani ong·aha ine aganenba ia kamna sikkimaniko parakatskaaha. Uni a·songni chu·batgipa daito gnanggipa sipairang ia obostako che·eme sing·sandienga ineba parakataha.
UK Foreign Secretary David Lammy, ia chadrapanina namen uko kenjagokataha ine aganangaha. French President Emmanuel Macron, chaktogijagipa ine aganangskaaha. Indakgipa obostarangko ong·jachina aro nina sikja ine Trump aganangskaaha.
