Chief Minister’s Youth Centre (CMYC)-ni gita “Youth Mela”-ko All Saint’s Hall Shillong-o August 25 tarikoni August 28 tarik 2025-ona ong·atangenga.
Ia Youth Mela-ko dal·drobaenggipa chadamberangna dingtang mancha changa sapaniko skie on·angan baksana dingtang dingtang daka rikani jekai bading chiwalgipa, songsalni namroro silroroanina kam ka·gipa aro adita dilgiparang baksa agangrikna cholko man·anggen. Unbaksana digital workshop, kal·susaani aro ki·taprangko poraie ma·sigiminko sakgipina agane skianiko daknaba cholko man·anggen.
Chief Minister’s Youth Centre ian dingtang mancha chadamberangna cholrangko am·sandie skie ra·chakna rikgipa ong·a. Ia program-o NanoGrants-rangko suale on·anikoba dakangjolgen. Sak 55 CMYC-ni ning·o “Nanopreneurs” rangoniko sak 50-na dalbegipa dakchakaniko on·a seokangaha. Ia NanoGrant-ara tangka paisachisan dakchake on·aigija bading chiwalaniko a·bachengna re·dilanio ramako me·soke on·gipaba ong·enga.
Da·o dipet CMYC-nigita register ba segatgimin sak 5000 bading chiwale cha·giparangna gong lakh 19.71 tangka-rangko on·e dakchangaha aro gong lakh 15.72 tangkarangko chadamberangna tangka paisa man·ani cholrangko bikotna jakkalenga ine Chief Minister Conrad Sangma aganangaha.
