Tura P A. Sangma stadium mikkango da·alo PRIME Meghalaya, World Entrepreneurs’ Day manianiko dakdilangaha.Ia manianiona West Garo Hills a·jani ADC, Florina Boro mongsonggipa sokgipa ong·e bakko ra·angaha.
Tom·bimongani bako aganengon ua entrepreneur sakantini bimchipe kamrangko ka·anina rasong on·an baksana chadamberangko entrepreneurship na gisik nangchina didiangaha.
World Entrepreneurs’ Day tomaniko PRIME ni ning·o dakdilange da·al salo adita dingtang dingtang ge 14 pop-up stall ba dokanrangko “Flavors, Ideas, and Innovation” katta bichongo pangchake nikna gita man·aha. Apsan dake ia somoio PRIME Film 2025-ko mesokangan baksana Chief Minister’s Entrepreneurship Championship Challenge (CMECC) 6.0 ni bidingoba PRIME ni Senior Associate Hilbirth A. Sangma tale on·angaha.
Ia tombimonganio West Garo Hills a·jani bang·a entrepreneur rangko mande ra·aniko dake certificate rangkoba suale on·angaha.
