EGH Rongsak-o Rainbow Common Service Centre (CSC) ko chalaienggipa Jonathon B. Sangma niam gri dake sak 5 manderangna Schedule Tribe certificate-ko tarie on·ani bidingo Deputy Commissioner office-oni u·iataha. Sangma-ni niamni a·palo tarie on·anichi ST certificate-ko man·gipa mande DC office-ona aadhaar card tarina ine re·bahaon QR-ko scan ka·e nion kakket ong·gijaniko rim·a man·aha.
CSC, cyber cafe, kiosks aro browsing centre-rangko chalaienggipa nokgiparang mikkangchi ST/SC certificate, income certificate, birth certificate, Permanent Resident certificate, police-ni kamna rimnapaniona recruitment certificate aro apsandakgipa gipin sorkarini on·a man·gipa certificate-rangko tariode section 319 (2), 335, 234 aro 337 Bharatia Nyaya Sanihita-ni ning·o raka sastiko on·a man·a ine District Administration u·iataha.
