Meghalaya a·dokni Maikhuli songo Assam State Electricity Board (ASEB)-ni songe on·gipa bijolini krongrangko songdongenggipa manderangni nosto ka·e galani ja·mano Maikhuli songni aro Assam a·doko songdongenggipa manderang nanggrikaona sokaha.
Assam State Electricity Board-ni songe donanggipa bijolini krongrangko Maikhuli songni manderang sombar pringo nosto ka·aha. Uamangni pe·e galani ja·mano Assam a·dokni adita manderang re·baenba nosto ka·e galgipa manderangko sandiaha. Koborrang giproroani a·sel Assam aro Meghalaya sima ari jolo songdonggiparangni gisep ding·chaoenba bil jakchi nanggrikaniona sokangskaaha.
Ia dolgnini gisepo nanggrikanio Maikhuli songni me·chikrangko Assam-ni manderang kragija dake jak sokahani a·selo chola ba·rarang gin·aha aro me·asarangkoba dokaha ine parakataha.
Ia ong·a obostako kobor man·soa bakan Assam aro Meghalaya a·dokni District authorities-rang re·baenba kajia golmal ong·aniko namatna man·aha. Assam aro Meghalaya-ni District Administration-rang Maikhuli songo tom·tomaniko rakkiangna peace committee-ko songnaba tik ka·jolaha.
