Da·al salni bako, Meghalaya Legislative Assembly ni Speaker Thomas A Sangma, uni constituency 50-North Tura ni Rongkhon Baptist Church na gitalgipa Mortuary Van ba manggisi salgipa gariko on·angaha.
Ia gariko dingtang mancha Rongkhon Baptist Church ni Pamong Britheneal Ch Momin ni jako on·e pakwatangaha.
Ian wilwilao donggipa adita songrangna nangan somoio nambegipa dakchakanirang ong·gen aro mikkangchi a·sel obostarang ong·anirangoba ia gariko jakkale nongsul songsulna dangdike on·a kam dakchakani ong·gen ine Sangma ka·dongsoaniko aganangaha.
