India a·songni jakgitel ong·ani chang 78 gipa bilsiko gisik ra·e maninagita da·al salni bako South West Garo Hills a·jani Rerapara C&RD block-ni ning·o ong·gipa Rangsakona songo Freedom Run-ko kilometre 10 mangna katataha.
Ia katataniko District Sports Office ong·ataha jeon chadamberang aro bilsi dalgiminrang gisiko nangbee bakko ra·angaha. Ia katataniko a·bachengatani somoio kal·susana gisik nangani gamchatani bidingo District Sports Officer S M. Marak aganan baksana susagiparangna namgipa sikanikoba on·angjolaha.
Me·asarangni gisepgriko susaanio skanggipao Chonseng B. Marak, gnigipao Bishmadev Hajong aro gittamgipao Kanen A. Sangma cheangaha. Apsan daken me·chik dolrangni susaanio skanggipao Ringsechimik Sangma, gnigipao Dodim M. Sangma aro gittamgipao Kebina Ch. Marak cheangaha. Una agreba me·asa aro me·chik dolgnini sak 5 na consolation boksisrangkoba on·angjolaha.
Bon·kamao susaanio chegiparangna Garodubi Outpost-ni Sub-Inspector In-charge aro Rangsakona-ni Nokmani jakchi boksisrangko sualangaha.
