Meghalaya Legislative Assembly-ni Autumn Session-ko September 8 tarikoni a·bachengatanggen.
Business Advisory Committee-ni Budbar salo tom·aniko dakanio autumn session ko September 8 tarikoni a·bachengate September 12 tarikona sal bongana ong·atna tik ka·aniko parakataha.
Uamangni tik ka·anio salgittamko government business na aro salgniko private members rangna dingtang mancha somoiko chamatangaha.
Gitalgipa Assembly building ko matchotatna man·kujae Rilbong-o donggipa Assembly noko session ko ong·atanggen.
