Tura, Don Bosco School-o chang dokgipa Buccieri Inter School Basketball Tournament-ko da·al pringni bako a·bachengataha. Ia tournament-ko da·al sal August 9-oni kal·ate August 15 tarikona ong·atanggen.
Da·alni skanggipa kal·anio Don Bosco Higher Secondary School Rongkhon aro Darenggre Basketball Club U-14 ni gisepo susaangaha. Ia susaanio DBC Higher Secondary School Rongkhon 24-14 Darenggre Basketball Club U-14 ko amataha.
Ia susaanio chu·gimiko ge 25 mang basketball kal·gipa dolrang bakko ra·enga jean ge 10 school rang aro ge 2 club-rang ong·a. Bilsi 14 ni ningo aro una batgipa mea aro mechik dolrangna knock out basis o ong·atenga.Buccieri Inter School Basketball Tournament-ko Garo Hill a·jaona Italy a·songoni re·bae A·chikrangna lekka poraiani gadangko tang·doatna kam ka·gipa Fr. Anthony Buccieri-ko gisik ra·nagita bilsiantian ong·atenganiko Don Bosco School Tura-ni Principal Fr. Threnius N. Sangma talatangaha.
Indakgipa susaanirango bakko ra·ani dal·drobaenggipa chadamberangna bilongen gamchata maina ian bi·sarangko an·seng baljoke dongna aro uamangko namgija ramaoni chel·chake rakkina dakchaka ine Fr. Threnius N. Sangma aganangaha.
