Meghalaya Health Insurance Scheme (MHIS) ni ning·o tangka man·a nanganirangko somoigita man·jaengnina aro ia scheme na dorgasto galgiparangko ra·chakjani ja·pang ja·dilrangko name dake am·sandie kamrangko ka·angchina Chief Minister Conrad K Sangma Health department ko ge·etangaha.
Budbar salo MHIS ni review meeting ko ong·atani somoio ia scheme ko name dake niroke namdapatchina kamrangko ka·angchina Chief Minister ge·etangaha.
Iako dakanichi mikkangchi a·doko songdongenggipa manderangna maming neng·nigri tangka man·a nanggnirangko somoigita man·a dakchakanggen. MHIS scheme ara Meghalaya a·doko songdongenggipa manderangna sanna bannani cholrangko namdapatna aro tangka paisanigita dakchake on·aniba ong·a.
Ia tom·anio Health Minister Ampareen Lyngdoh aro Health Department ni senior official rangba dongpae bakko ra·angtokaha.
