West Garo Hills, Selsella jolni PWD ramako tarie on·china changni chang dabianiko dakgenchimoba a·dok sorkarini knachakjanina Selsella jolni nangrimgimin NGO dolrang aro songdongenggiparang baksa apsan ku·monge jinma tangka paisarangko gilgrime tarina a·bachengengaha ine NGO dolrang parakataha.
Selsella jolni nangrimgimin NGO-rang jekai GSU, FKJGP, ASWA, GSMC, ADE, ACHIK, ANYO aro NGCO dolrang ia ramarang namsrangjani a·selo songdongenggipa manderang a·songni jakgitel ong·ani salko manianioba bang·a neng·nikanirangko man·enganina ia ramarangko tarianiko re·baenggipa August 15 tarik 2025-na skang matchotatna jotton ka·enga ine NGO dolrang aganangaha.
Sorkarini jrip donganiko sengna man·jae aro songdonggipa manderangni ia ramako re·rurana neng·nikanirangko nike ia kamko ka·skana tik ka·aha ine NGO dol parakataha. A·dok Sorkarikoba uamang ia obostarangko ta·rake nirokatchina didiangjolaha.
