Rel ramarangko tariani bidingo Khasi Hills a·jarango champenganiko dongdikgija dakengani gisepo NPP ni dilgipa aro Cabinet Minister Marcuise N Marak rel ramarangko Garo Hills-ona apalbatatna miksonganiko kobor ra·timgiparangna parakataha.
Khasi Hills a·jarango rel rama tarianiko ra·chakjagenchimode rel ramarangko Mendipathar-oni Garo Hills ni dingtang dingtang a·jarangona bakrodapatanggen ine Marak aganangaha.
Batanggimin salrango Baghmara-ona rel ramarangko taribaaniko nangnike Siju-Rongara ni MLA Rakkam Sangma dabianirangko dakangaha aro West Garo Hills a·jaonaba rel ramarangko taribaaniko nangnikanikoba man·soaha ine Marcuise N Marak agandapangaha.
