Meghalaya a·dokni gitcham Governor Satya Pal Malik ru·uta salrangna saaniko man·e August 5, 2025 tariko bilsi 79 gape a·gilsakko wate re·anganina, Meghalaya Legislative Assembly Secretariat-ni palo Meghalaya Legislative Assembly-ni Commissioner and Secretary Andrew Simons kal·impaaniko parakataha.
Satya Pal Malik 18 October 2020 bilsioni 3 October 2022 bilsiona Meghalaya-ni Governor ong·e dangdike on·angaha. Ua 24 July 1946 bilsio atchiaha jeon India a·songni saksa sapgipa a·dokrangko dilna changbegipa ong·e Bihar, Odisha, Jammu and Kashmir, Goa aro Meghalaya a·dokrango Governor ni kamko ka·e manderangna dangdike on·angaha. Malik saksa manderangna nambee dangdike on·anina niksengaha jeon mongsongbate game cha·giparangna ua ku·rang on·anina niksengako man·e politics-ni a·bao mande ra·akoba man·aha.
Malik saksa kakketgipa, ka·saninggipa aro niamrango pangchake dilgipa ong·an baksana uni ku·cholsan ong·ani, gisik matsramani aro a·songni namgnina ku·rang on·anirangna gisik ra·nagita krachongmota. Una agreba uni ka·singipa gisik ong·oba kamrangna ku·rang on·an baksana nambegipa bewal aro seng·anichi uko ma·sigiparangna rasong chabeani ong·a ine gisik ka·tong gimikchi duk ong·paaniko Simons parakataha.
