South West Garo Hills-ko a·dokni a·ja gipinrang baksa football-ni a·bao apsan namdapatna miksonge Ampati District Football Association (ADFA)-ko Meghalaya Football Association (MFA) baksa chapataha.
Meghalaya Football Association-ni President Hamletson Dohling da·al salo Ampati Circuit House-o tom·aniko dakmitingo Ampati District Football Association (ADFA) na provisional affiliation certificate-ko on·angaha. Meghalaya Football Association (MFA)-ni ong·atgipa tournament-rango mikkangchi South West Garo Hills a·jani gisiko nanggipa kal·giparang aro club-rang chu·gipa gadangni kal·susaanirango bakko ra·na cholrangko man·anggen.
Ia tom·anio Meghalaya Football Association (MFA)-ni General Secretary Sunesh Syiem, Vice-President Dr. Lumbhor Mawsor, Salja Marak aro Executive Member YG Lyngdoh baksana Ampati District Football Association (ADFA) -ni Chairman Clement G Momin , Secretary aro gipin member-rangba dongpae bakko ra·angtokaha.
