Mijal salo Tikrikilla-o Booth Level Officer-rangna aro Supervisor ba kam mesoke niroktimgiparangna Special Summary Revision (SSR) 2026-ni bidingo skie on·a Tikrikilla C&RD block-o program-ko ong·atangaha. Ia program-ko Election Commission of Inida aro Tikrikilla Civil Sub-Division bakrime ong·ataha.
Program-o dingtang dingtang dakna nanggnirang jekai Legal Provision, Roll Plays aro BLO App-ni bidingo che·eme talatanirangko dakangaha jekon BLO-rangko kamrangko sapnagita tarisamsona miksonge skie on·aha.
Program-o Additional Deputy Commissioner, Pearla T D Sangma, Block Development Officer, Tikrikilla C&RD Block, Dr. Rikrak N Marak ia janapgimin kamrangni bidingo name agantalatangaha. Unikoa, a·bachengao ge·sa qualifying date donggenchimoba da·o mingbri qualifying tarikrang chong·motan January 1 tarik, April 1, July 1 aro October 1 tarikrang 2026 dongdapaha ine u·iatangaha.
