SWGH a·jao MSRLS-ni ning·o gital Self Help Group (SGH) Outlet-ko Deputy Commissioner Hema Nayak da·al salo nokdongae on·angaha. Program-ona Betasing C&RD Block-ni BDO Crystal R. N. Sangma, District Functional Specialist (DFS), Block Project Manager (BPM) aro Cluster Coordinator-ba sokbae bakko ra·angaha.
Ia outlet-ko kulina Sulguri Maa Santoshi SHG dol MSRLS-ni dakchakanichi Pradhan Mantri Formalisation of Micro Food Processing Enterprises (PMFME) scheme-ni ning·o a·bachengnagita gong lakh 4-ko man·aha. Tangka paisachi dakchakaniko man·e ia SHG dol cha·ani tariani a·bako apalbatroroate, bosturangko nambate tarie, tepaniko aro bading chiwalaniko namdapatenba ia outlet-ko kulina man·aha.
Ian me·chikrangna an·tangtangni janggi tanganiko tang·doatna bil amaniko mesokgipa namgipa didiani ong·a jekon dakchakani gnang aro jinma ku·monganichi chu·sokatna man·aha. Songni nokni me·chikrangna ian sepang jol antirangona bosturangko sokatna, janggitanganiko namdapatna aro biltango chadengna dakchakani ong·anggen. Outlet-ko nokdonggae on·anian ma·gipa dolrangchi dilenggipa dolrangko mangrakatani aro SHG rangni kam ka·anichi songsalo baikamgipa cholrangko tarianiba ong·a.
