Dilli Haat, INA, New Delhi-o da·al salo Meghalaya Pineapple Fest-ko a·dokni Chief Minister Conrad Sangma baksana Union Minister for the Ministry of Agriculture and Farmers Welfare-ni Shivraj Singh Chouhan oprake on·angaha.
Meghalaya-ni anarosrang a·gimikchin sokangaha aro ian game ge·e cha·enggiparangni kam ka·aniko gisik ra·ani aro gamchate ra·aniko mesoka ine Chief Minister Conrad Sangma aganaha. Meghalaya-ni anarosrang chi·anasan mingsingaigija ia anarosrangko namgipa a·salrangosa ge·ani gimin mingsinga jeon ge·a gamanio gamgiparangni nirok simsakanikoba u·inagita man·a ineba Sangma aganangaha.
Ia Meghalaya Pineapple Fest-ko ong·atanichi mikkangchi Meghalaya a·dokochonchongipa karkanarang aro Self Help Group-rangni songsalo maikai ku·cholsan kamko ka·e AtmaNirbhar-ko chu·sokataniko mesokaniba ong·a ine Sangma agandapangaha.
