GHADC-o kam ka·giparangna ja 42 na kingking dormaharangko on·a man·kujanina Leader of Opposition ba warachakgipa dolni dilgipa Dr. Mukul Sangma a·dok sorkariko ko matnangataha.
Kobor ra·timgiparang baksa aganengon, ua a·dok sorkarini Meghalaya State Finance Commission Act, 2012 ko ra·gatna man·janiara a·doko ADC rangko bilgriatna kam ka·na miksongani ong·gengama ine sing·doangaha. Unbaksana Meghalaya Lokayukta-o ma·mong sorkarini chamatgipa gong 100.71 crore tangkarangko jakkalsretanina mokordoma ka·ani bidingoba Mukul janapangaha.
Iana agreba niamgri koela cho·e salanirangkoba Supreme Court ko nirokatchina nangnikanikoba Sangma aganangaha. Indake niamgri koela cho·anirangko name dake chanchisamsoe kamrangko ka·anichi ia mamlani bidingo am·sandiarang ja·manchakenga aro kakketgipa sakkirangko ra·bana man·jaenga ine Sangma matnangangaha.
Koela chimonganirang baditana kingking donga aro baditako dak ka·angani chu·gimik ma·sina nanganirangko jako ra·e kam ka·enggipa officer rangko biapona re·ange am·sandianiko dakna nangchongmota ineba Sangma aganangaha.
