South West Garo Hills-ni Deputy Commissioner Hema Nayak baksa Ampati-ni EE (WR), sorkarini project-rangko jakkalani bidingo adita Water Resources Department-ni project-rangko, Balughat Multipurpose Reservoir Project aro Indo-Bangladesh sima ari sambao donggipa Jhonjona FIP project-rangko re·ange nirokaniko dakangaha.
Zikzak C&RD Block-ni ning·o donggipa Balughat songna DWRC-nigita Meghalaya Water Development Agency-ni ning·ao Balughat Reservoir Project-ko 2021-2022 bilsi-rangon rika cho·aniko a·bachenge matchotnasiengaha. Ia project 66.00 hactare a·ao rikenggipa Balughat aro Mekdual songrangni ge 72 nokdangrangna namgniko on·anggen. Ia songni ge·e game cha·giparang wa·chi karini somoio mongsonggipa mirangko ge·a gamaniko dakronga.
Deputy Commissioner-ni nirokaniko dakmiting somoi RCC line-ni nala aro a·aoniko tarigimin nala-rangoni jokenggipa chirangni biapona name jokanganiko nikangna man·aha. Unbaksana ge·e game chagiparang baksa agangrikaniko dake me·ka bolrangko ge·chinaba DC aganangaha.
Me·ka bolrangko ge·aniko dakna gita Balughat IVCS-ni Secretary-ko Ampati MBDA/MBMA office-oni re·ange sing·sandie ra·chinaba didiangaha. Zikzak C&RD Block-ni ning·o donggipa songrang jekai Jhonjonagre, Bollonggre, Katuligre aro Jangre songrango 2018-2019 bilsio AIBP-ni ning·o rika cho·aniko dakgipa Irrigation Project-ni chirang ge 138 nokdangrangni ge·a gamaniko dakgipa biaprangona name jokanganiko nike kamrangko chu·ongnikaha ine Deputy Commissioner Hema Nayak aganangaha.
