Re·baenggipa GHADC election-o, 29-Williamnagar GHADC constituency-o NPP dolnigita susaatna Sengbath Marak-ko seokangaha.
Ia seokaniko da·al salo Williamnagar-o NPP Block tom·anio parakataha.Marak-ko seoke NPP dolni palo susaatnagita Block-ni President Roson M. Sangma baksana Block-ni Secretary Jerubell Ch. Marak aro NPYF Block-ni President Yesterbirth Sangma ja·ku de·e ia tom·aniko ong·atanio parakangaha.
Uamangni indake ja·ku de·e Marak-ko seokaniko songni party member-rang pilakan ra·chakaha aro mikkangchi nanggipa kamrangko ka·angkunagita Party-ni High Command-ona u·iatanggen ineba janapangaha.
