North Garo Hills, Bajengdoba thanani nirikigipa police dolrang cha·ugimin gisim rongni Pulsar 220 bike-ko Merongdigre joloniko man·aha. Police dolrang ia bike-ko mijal wal 1 bajini gisepo rim·rikaha.
Rim·a man·gipa manderangoniko name sing·sandianiko dakon ia bike-ko cha·uani gimin Dudhnoi Police Station-o vide Case No. 29/2025 u/s 303(2) BNS-ni ning·o mokor doma ka·manaha ine u·ina man·aha.Iani bidingo nambate sing·sandianiko dakangnagita Dudhnoi police-rangna bike-ko pakwataha ine North Garo Hills police dolrang parakataha.
Mikkangchiba songdonggipa manderangna naljokaniko aro kakketgipa bichalko on·a NGH police cha·ugiparang aro uandakgipa gipin ong·gija kamrangko bimchipe dontonggija nirok simsakanggen ine u·iataha.
