India a·songni nangrimgipa adita a·dokrang jean a·dok dingtangna dabienggipa dol National Federation for New States (NFNS) uamangni dabianiko mangrakbatatna New Delhi ni Jantar Mantar-o Parliament ni winter session-o jingjengatna miksonganiko parakataha.
Ia tom·aniko Shillong songjinmao ong·atangaha jeon Indigenous People’s Front of Tripura (IPFT), Garo Hills State Movement Committee, HSPDP aro Joint Action Committee for Autonomous State (JACAS) dolrangba sokbae adita chanchirimaniko dakangaha.
Ia tom·anio adita chanchirimaniko dake, re·baenggipa September 20 tarikni ja·mano Delhi songjinmao jingjengatangna ra·chakangaha ine kobor ra·timgiparangna NFNS Secretary aro JACAS ni member Stalin Ingti parakataha. Ia re·dilaniara gitalgipa ong·ja maina ru·uta bilsirangonin Karbi Anglong, Garo Hills, aro Tripura ni gital a·dokna dabibaenga ineba aganangaha.
Ian dingtang mancha seperate state ba a·dok gitalna dabianiko ma·mong sorkari, a·dok sorkari aro NFNS ni ning·o donggipa dolrang baksa golporimaniko a·bachengataichina dabiani ong·enga ine dilgiparang parakataha. Unbaksana August jani 23 tarikni ja·mano dingtang mancha Union Home Minister Amit Shah baksa chanchirime golpona cholrangko ra·e nigen ine NFNS ni Vice President aro GHADC ni Deputy CEM Nikman Ch. Marak
