Mylliem-ni MLA aro Congress-ni dongrikenggipa saksa kamkam dilgipa Ronnie V. Lyngdoh da·al salo INC doloni ong·kataha. Lyngdoh an·tangni Congress doloni ong·katani chittiko Meghalaya Legislative Assembly Speaker Thomas A. Sangma-na Deputy CM Sniawbhalang Dhar aro gipin dilgiparangni dongao pakwataha.
Congress doloni da·o assembly-o darangba dongjaha aro uamangna ian dal·bea gimaani ong·aha. Lyngdoh-ni ong·katani ja·mano ua NPP dol baksa bakrimnaba gnang jekon name paraka dongkuja. Lyngdoh NPP dolo napgenchimode uamango chu·gimik sak 35 MLA-rang ong·angskagen.
Da·o dipet Congress party-oni Saleng Sangma saksasan Lok Sabha-o ong·enga. Ian re·baenggipa salrango mongsongbate GHADC election ong·nasiengon uamangna rakbea neng·nikanirang sokbanaba gnang. Batanggimin somoioba Khasi Hills-o sakgittam MLA-rang Congress doloni ong·kataha aro da·o saksa kamkam dongrikgipa MLA-ba ong·kataha.
