West Garo Hills, Tikrikilla-ni Nokma aro Gaonbura Association-ni office noko Garo Hills-ona niamgri napsrukbaaniko champengsonagita Garo Hills Autonomous District Council (GHADC), Tikrikilla jolni NGO-rang aro songni nokni dilgiparang baksa nangrime mikrakataniko on·a tom·bimonganiko ong·atangaha.
Ia tom·aniona GHADC-ni CEM Albinush Marak, DY CEM Nikman Marak aro gipin MDC-rangba re·bae bakko ra·angaha. Unbaksana NGO-ni dilgiparang, Assam-Meghalaya ni sima ari jolo songdonggiparang aro Garo Hills-ni adita Nokma, Gaonbura, chadambe, ma·aparangba re·bae bakko ra·angtokaha.
Tom·bimongani somoio Tikrikilla jolni adita Nokma aro Gaonbura-rang Garo Hills-ona niam gri napsrukbae lekka pancharangko tarina jotton ka·ani bidingo champengsoaniko dakna agan ku·pattianirangko dakangaha.
Da·ororo Assam a·doko ong·enggipa obostarangko niate Garo Hills-oba ia apsan a·selrangko chagrongna nangjanagita songdongenggiparangko aro dingtang dingtang NGO dolni dilgiparangko mikkangchina champengsoani kamrangko ka·china CEM aro Dy CEM aganangaha .
