Shillong songjinmao ong·atanggipa 1st Prize Money Badminton Tournament-o Tura Badminton Coaching Centre-ni chadamberang chegipa ong·bae uamangni academy-na aro Garo Hills-na rasongko ra·baaha. Ia susaaniko Polo Indoor Stadium o July 24-oni 26 tarikona ong·ataha.
U-13 Boys’ Singles category-o, Elmo Kaizo D. Marak uni changa sapaniko jakkale kal·anichi gold medal-ko man·aha. U-13 Girls’ Singles-o Amelia D Marak silver medal-ko cheaha. Unikoa, U-13 Girls’ Doubles-o Amelia D Marak aro Athena D Marak doldake kal·enba silver-ko man·angaha.
U-15 Boys’ Singles category-o Sixbirth M. Marak silver medal-ko cheaha. U-15 Boys’ Doubles-o Sixbirth M. Marak aro Dezio P Marak-ni jorako darangba pe·na man·jaha aro bon·chotao uamang gold medal-ko cheangaha.
Ia susaanio chu·sokanian Tura-o badminton kal·giparangni tang·dobaaniko mesokanisan ong·aija ia centre-o name aro bimchipe skie on·ani aro tarisamsoanioba pangchaka. Chadamberangni chegipa ong·baanina coach-rang, ma·aparang aro sports-na gisik nanggiparang demittelaniko on·atokaha. Ian badmiton-na gisiko nanggiparangna aro mikkangchini re·mikkanganina namgipa dakmesokaniba ong·a.
