Tura Motor Sports Club (TMSC)-ni Aneesh M Sangma, Blueband Sports Rally of Coimbatore 2025-o Group F, Federation of Motor Sports Clubs of India (FMSCI) ni ning·o Gypsy Class-o skanggipa ong·e chebaaha. Ia rally-ko July 25 oni 27 tarikona Federation of Motor Sports Clubs of India (FMSCI) ni ning·o Indian National Rally Championship (INRC) ong·atangaha.
Ia susaaniko Coimbatore-ni Dinky Varghese baksa bakrime salgnina susaanganio chu·sokgipa ong·e matchotaha. Skanggipa salni susaanio 01:07:46.000 aro gnigipa salo 00:33:30.700 somoirangko jakkale susaangaha.
Aneesh M Sangma, Garo Hills-o 2005 bilsio National Rally-ko ong·ataniko nikchengaonin, motorsport-na gisiko nanggipa ong·e da·ona kingkingba ia susaanio bakko ra·angkuenga. Indake bilsi 20-na ua uni niksamsoaniko chu·sokatna krenge ia susaanio gisik nangbee krenge susaanganichi chegipa ong·e Tura Motor Sports Club (TMSC) na skanggipa changna cheaniko ra·baan baksana Meghalaya a·doknaba mikkim rasongko ra·baaha.
Ia susaanio chu·sokgipa ong·na dakchakanina Chief Minister Conrad Sangma, Mahendraganj-ni MLA Sanjay Sangma aro a·dok sorkarini Directorate of Sports and Youth Affairs-ko Sangma mitelpilangskaangaha.
