South West Garo Hills, Ampati -ni nangrimgimin NGO-rang jekai Civil Society A·chik Welfare Organisation (CSAWO), AAYF aro APA dolrang Bangladesh a·songoni niamgri songdongenggiparangni bidingo name dake am·sandianiko dakchina dabiangaha.
South West Garo Hills a·jani Isaguri, Mirjumla, Mahendraganj aro Kalaichar jolrango Bangladesh a·songni manderang niamgri songdong a·chaaniko dakenga ine NGO dolrang aganangaha.
Ia pilak a·selrangko niate Meghalaya-o sondongenggipa manderangni a·arangko chel·chaksona man·a gita ta·raken am·sandianirangko dakchina CSAWO-ni President Tryans Ch Marak mol·molangaha.
