A·chik manderangni jumangko chu·sokatna A·chik a·songona Winter Capital-ko ra·bana songanti nokanti jingjenge dabiangenga, iani gisepon batanggimin somoio Assembly-oba MLA rang iani bidingo jeraragrikangaha.
Dabianirangko dontongatgija mikkangchiba ja·ku de·na nangengkuani gimin kona noksikrangona re·e demesaaniko, didianiko aro ku·monganiko on·a kamrangko ka·angenga ine GSMC, South West Zone Ampatini Chairman Trellingbirth Ch Sangma u·iatangaha. Ia dabianiko chu·sokatna kam ka·engon, South West Garo Hills a·ja gimiko man·gopgimin Nokmarang, Ret jangkirang, Lasker rang, Chadamberang, dingtang dingtang gadango dolko dilgiparangko krimkro ong·e re·bae bakkrimpachina mol·molatangaha.
Jinma ku·mongrime ia tom·aniona Ampati jolni NGO dolrang jekai GSU, AHAM, GSMC, aro gipinrang apsan tom·e chanchirime Winter Capital-na ku·cholsan ku·mongrimna Ampati-o apsan chanchirime bang·a manderangko sokatna jotton ka·na manchianikoba parakangaha.
