Shillong songjinmao rikenggipa Medical College-ko rika cho∙anirang matchotanganina pilak dakna nanggnirangko taraken matchotate college-ko a·bachengatna tik ka·aniko Health Minister Ampareen Lyngdoh parakangaha.
A·dok sorkari aro Health Department-nigita NEET counselling-ko a·bachengatangna u·iataniko dakanggen aro ru∙utgijaan advertisement-ko parakatna Lyngdoh aganangaha. North Eastern Hill University (NEHU) baksa apsan chapdrimaniko aro registration-ko matchotaha jeon da∙o college-ko a·bachengatna Letter of Permission (LoP) na sengengkua ine Lyngdoh aganangaha.
Medical College-ni ge·gni mongsonggipa department-rangna interview-rangko da∙o ra∙angenga aro skigipa faculty-rangko nangdapgiparangna on∙dapna kam ka∙enga monsongbate clinical medical-na nanganiko Health Minister aganangaha.
Tura Medical College-ko rika cho∙ani kamrang 78% nigita matchotaha aro sorkari Public-Private Partnership (PPP) model-ko jakkale college-ko chalaina cabinet-ni ra·chakaniko ka∙dongsoe nichaksoenga ine Lyngdoh aganangaha. Tura Medical College-o skanggipa bilsini admission-rangko 2026-o a·bachengatna man·aba gnang. College-ko a∙bachengatani bidingo u·iatanirangko cabinet-oniko jinma ra∙chake raiko man·soani ja∙mano parakatgen ine Health Minister janapangaha.
